Adobo
Ang adobo ay ang paraan ng pagluluto gamit ang tambalan ng suka, bawang at toyo. Paminta at dahon ng laurel ay inihahalo rin. Karaniwang karne ng baboy, manok at isda ang gamit pero kahit gulay gaya ng sitaw at labong ay puede ring i-adobo. Maging ang exotic na mga sangkap gaya ng bayawak, palos, mga ibong ligaw, balang, salagubang, atbp. Sari-sari ang bersiyon ng bawat rehiyon, probinsya, bayan at pamilya.
